حياكن الله اخواتي
وصفة تصلاح كوجبة العشاء تتجي خفيفة
ولديدة
على بركة الله نحتاجوا
للسباكيتي اي نوع
متواجد عندنا
مصلوقة فماء مملح وشوية زيت العود
شوية الكفتة
طماطم محكوكة و طماطم معلبة
الربيع
دريس الثوم
ملح
كمون
ابزار والتحميرة
وكاس او 2 كؤوس ماء
وزيت مخلطة
تنعمل الطماطم المعلبة ونزيد الثوم والزيت ونزيد الماء ونخلطوا مزيان حتى تنحصلوا على خليط
نعملها فوق النار تشحر مزيان
نزيد الربيع والعطرية
ثم الكفتة ونخليها طيب حتى تشرب مزيان
لاصوص بشاميل اكيدالكل تيعرف ليها المهم
نصف لتر حليب
2 معالق
الزبدة
2 معالق الدقيق الابيض
قبصة ملح
ابزار
ندوبوا الزبدة وملي دوب نزيد الطحين ونحرك مزيان ونبقى نزيد
الحليب تدريجيا وانا تنحرك حتى يولي عندنا خليط املس وومكورش نخليها طيب فوق
العافية وانا تنحرك
المرحلة الاخيرة لاصوص مطيشة واجدة هي صوص البشاميل
تناخد السباكيتي لي وجدت من قبل ونعملها نصفها في مول الخاص بالفرن تنزيد صوص مطيشة وما تيقى من السباكتي
ونزيد فوق منها صوص بيشاميل ونرش الفرماج احمر محكوك وندخلها للفرن تطيب وتحمر من الوجه
وهاهي واجدة بالصحة والعافية
ليست هناك تعليقات:
إرسال تعليق