السلام عليكم
على بركة الله
كنغسل الفخد ونخليه يستقطر
كنوجد صوص باش ندهن به
ربيع- ملح- ربعة ديال ثوم محكوكة- ابزار- زعفران حر- كمون- التحميرة- زيت مخلطة
كنخلط كلشي ونبقى ندهن به الفخد
نهز شي ثلاثة ولا ربعة ديال ثومة صحيحة ونبقا ندخلها في الفخد بعدما كنثقبوه بالموس
ونخليوه يتشرب داك الصوص تقريبا ساعة او من الاحسن يترقد ليلة كاملة
ناخد البصل ونقطعوه دوائر ونفرشوه في طاوة وفوق منه الفخد ونغطيه بورق الألمينيوم وندير الماء في الطاوة تقريبا ثلاثة د الكيسان كبار ونخليه يطيب على خاطرو تقريبا 3h حتى ابان اللحم مفرق على العظم ومرة مرة نطلو عليه الا خاص الماء نزيد ملي يطيب خذي الزبدة مخلطة مع التحميرة والزعفران ودهنيه به وخليه يتحمر من الفوق
ويقدم مع شوية دالملحة والكمون
ومع الخضر أنا درت البطاطا وخيزو والسيكار معمر بالخضر والشعرية الصينية والروز
هذي هي طريقتي
ليست هناك تعليقات:
إرسال تعليق